KidsOut World Stories

Awia Supͻ No David Heathfield    
Previous page
Next page

Awia Supͻ No

A free resource from

Begin reading

This story is available in:

 

 

 

 

Awia Supͻ No

Chinafoͻ Abasԑm bi

 

a blue bird and a red bird in a circle

 

 

 

 

 

*

Na owura bi wͻ hͻ a ͻwͻ mma mmarima mmienu.

Na ͻba panin no yԑ ayamoͻnwono san yԑ pԑsԑmenkomenya, ԑnna akumaa no nso yԑ ayamye a ne nsam nso go. 

Okuani no wuiԑ no, ba panin no faa ne nsase nyinaa a wannya akumaa no hwee ka kԑntԑn ne sekan nanam a ͻbԑtumi de atwitwa gya.

Na ͻkͻ kwaeԑ no mu kͻtwitwa gya bԑtͻn na ͻde agye ԑmo kakra wͻ dwa no so hͻ.

Na ͻyԑ hiani. Na ͻnni hwee.

Da koro bi, akumaa no foro kͻͻ bepͻ no so wͻ kwaeԑ no mu. Ԑhͻ na ͻtenaa botan bi so hwԑԑ atͻeԑ baabi a owia kͻtͻ no dinn.

Berԑ a ne nko ara te hͻ dinn no, mframa bͻ firii wiem na ͻpagyaa ne ti no na anomaa fԑfԑԑfԑ bi atu reba deԑ ͻwͻ hͻ. Na n’ataban mu trԑ pa ara. 

Ͻtee sԑ mframa rehwe no, mframa ato ahyԑ ne so. Afei ԑbԑsii ne nkyԑn pԑԑ.

‘Adԑn na wo nko ara wote ha?’ 

‘Ahia me. Menni hwee.’ 

‘Wei yԑ nokorԑ anaasԑ ԑnyԑ nkontompo?’

‘Ԑyԑ nokorԑ, ahia me. Menni hwee.’

Anomaa no kaa sԑ, ‘Ԑnneԑ foro bԑtena m’akyi na mede wo bԑkͻ Owia Supͻ no so. 

Ԑhͻ no wobԑtumi afa sika kͻkͻͻ baako ansa na masan de wo aba.’ 

Ͻforo kͻtenaa anomaa no akyi ma anomaa no kͻeԑ. 

Anomaa kԑseԑ no tu firii bepͻ no ho.

Anomaa kԑseԑ no tu faa kwaeԑ no so.

Anomaa kԑseԑ no tu faa nsuo ahodoͻ no so.

Anomaa kԑseԑ no tu kͻͻ Owia Supͻ no so.

Anomaa no siiԑ no, owia no kͻtͻͻ wͻ supͻ no akyi totoo nkanea fԑfԑԑfԑ, na abarimawa no faa sika kͻkͻͻ baako.

Ͻde too ne kԑntԑn mu na ͻforo kͻtenaa anomaa kԑseԑ no akyi. 

Anomaa kԑseԑ no tu firii supͻ no so.

Anomaa kԑseԑ no tu faa nsuo ahodoͻ no so.

Anomaa kԑseԑ no tu faa kwaeԑ no so.

Anomaa kԑseԑ no san tu baa bepͻ no so.

Onua kumaa no faa sika kͻkͻͻ no na ͻsanee kwaeԑ no mu, na ԑhͻ na ͻtͻͻ asase bi. 

Ԑhͻ na ͻyԑnee mprako, anantwie, ne nkokͻ kakra.

Ͻbͻͻ ne bra yie. Ͻyԑԑ adwumaden.

Wei na da koro bi ne nua panin no baeԑ.

‘Ԑhe na wonyaa saa sika yi nyinaa, saa asase yi?’

Onua kumaa no ka kyerԑԑ no.

‘Mepԑ wei. Fa saa kԑntԑn dada no ne wo sekan no ma.’ 

Onua barima panin no de n’ani kyerԑԑ kwaeԑ no mu. Ͻduruu saa bepͻ no so no, ͻtenaa botan bi so twԑneeԑ. 

Ankyԑ na ͻtee sԑ mframa bi rebͻ pia no na ͻtee sԑ ataban bi mu rebͻ.

Ԑhͻ no, berԑ a ͻrehwԑ atͻeԑ hann, baabi a owia kͻtͻ no, anomaa bi pue firii owia nkanea a atotͻ hͻ no mu, a ͻrebͻ n’ataban mu, na ͻbԑnn no.

Bԑtͻͻ ne nkyԑn.

‘Adԑn na wo nko ara wote ha?’ 

‘Ahia me. Menni hwee.’ 

‘Wei yԑ nokorԑ anaasԑ ԑnyԑ nkontompo?’ 

‘Ԑyԑ nokorԑ, ahia me. Menni hwee. Mepԑ sika kͻkͻͻ!’ 

Anomaa no kaa sԑ, ‘Ԑnneԑ foro bԑtena m’akyi na mede wo bԑkͻ Owia Supͻ no so. Ԑhͻ na wobԑtumi afa sika kͻkͻͻ baako.’

Anomaa kԑseԑ no tu firii bepͻ no ho. 

Anomaa kԑseԑ no tu faa kwaeԑ no so.

Anomaa kԑseԑ no tu faa nsuo ahodoͻ no so.

Anomaa kԑseԑ no tu kͻͻ Owia Supͻ no so.

Ͻsiiԑ no, owia no kͻtͻͻ supͻ no ayki.

Onua barima panin no too n’ani na ͻhunuu sika kͻkͻͻ pii a ԑrete hyԑmhyԑm. Ͻfa baako de too ne kԑntԑn no mu. 

‘Asԑ hwee nni kԑntԑn no mu. Ma memfa baako nka ho.’ 

Ͻde deԑ ԑtͻ so mmienu too kԑntԑn no mu, de deԑ ԑtͻ so mmiԑnsa kaa ho.

Ͻkͻͻ so sesaa sika kͻkͻͻ akԑseԑ no ara kͻpem sԑ kԑntԑn no yԑԑ mma sei be.

Afei ͻdanee ne ho. Ͻdanee ne ho no ͻhunuu sԑ anomaa no atu kͻ a owia no nso ahyԑ aseԑ repue. Wantumi ampue amfiri hͻ. 

Onua kumaa no bԑdii ne nuabarima panin no adeԑ wͻ ne nsase no ho. Ͻde ͻdͻ de asase no dii dwuma kamakama. 

Deԑ ͻnya firii mu biara ͻne wͻn a wͻwͻ mpͻtam hͻ no kyԑeԑ. 

Enjoyed this story?
Find out more here