UCarmen, Umlimi

*

UCarmen wayeyintombazanyana eneminyaka eyishumi, ehlala edolobhaneni elincane enyakatho yeSpain.

Abazali bakaCarmen babenepulazi elinezinkomo ezazikhiqiza ubisi oluhle. Kwesinye isikhathi izinkomo zazikhiqiza ubisi oluningi kangangoba umndeni wawungakwazi ukuliphuza lonke.

Bese sebelinikezala komakhelwane babo, ikakhulukazi kulabo abaludinga kakhulu.

Ngolunye usuku, uCarmen watshelwa uyise ukuthi ahambise ubisi ku nkosikazi u-Julia. UNkosikazi Julia wayeyisalukazi esinothando esasihlala sodwa ngakwelinye uhlangothi lwedolobhana.

Endleleni yakhe, uCarmen waqala ukucabanga ngokudayisa ubisi ukuze athole imali yokuthenga amaqanda.

Kulawo maqanda, wayengathola amatshwele azokhula ngokushesha futhi aqale ukukhiqiza amaqanda amaningi.

Wayezobe esedayisa amaqanda aze abe nemali eyanele yokuthenga amathole nezimvu ezincane.

Ngemva kweminyaka embalwa, uCarmen wayezokwazi ukuba nepulazi elingelakhe.

Khona-ke wayezoba nemali eyanele yokuthenga indlu eMadrid nenqwaba yezingubo zikanokusho.

UCarmen wayegxile kakhulu emicabangweni yakhe, kangangokuba akazange alibone itshe elikhulu endleleni yakhe. Wakhubeka phezu kwalo. Ubisi lwachitheka phansi emhlabathini ogcwele uthuli.

Ngomzuzwana, wonke amaphupho kaCarmen okuba ngumlimi anyamalala. Wayengasanalo ubisi azoluthengisa. Wayengeke asathola imali yokuthenga amaqanda azokhula abe amatshwele. Izinhlelo zakhe zimoshekile.

UCarmen wazidabukela. Waqala wakhala.

Endleleni yakhe eya ekhaya, uCarmen wacabanga ukuthi wayefanele aqaphele futhi abheke amatshe endleleni. Kwakungafanele acabange kakhulu ngezinhlelo zakhe.

UCarmen wafunda ukuthi into ebaluleke kakhulu esingayenza ukuze sifinyelele emaphupheni wethu iwukunqoba izinto esizithola endleleni yethu.