KidsOut World Stories

Nyankomade brͻͻhye a wͻde ka dan ho no    
Previous page
Next page

Nyankomade brͻͻhye a wͻde ka dan ho no

A free resource from

Begin reading

This story is available in:

 

 

 

 

Nyankomade Paintbrush No

Chinafoͻ Anansesԑm

 

 

 

 

 

*

Berԑ bi a atwam, abranteԑ bi tenaa ase a na wͻfrԑ no Ma Liang. Na ͻyԑ hiani a ne yam yԑ na na ͻpԑ nneԑma a wͻdrͻdrͻ pa ara nti ͻyeyԑԑ mfoni wͻ baabiara. Anadwo bi, ͻsoo daeԑ sԑ akwakora bi ama no brͻͻhye wͻde ka dan ho aka akyerԑ no sԑ ͻmmoa ahiafoͻ. Ͻsͻreeԑ no na brͻͻhye a wͻde ka dan ho no da ne pono so. 

Firi saa da no rekͻ, berԑ biara a obi bԑhia mmoa no, na ͻde brͻͻhye a wͻde ka dan ho no dii dwuma. Ͻhunuu sԑ nkurͻfoͻ nni nsuo wͻ wͻn mfuo mu no, ͻtwee asutene ma no bԑdaa hͻ. Amanfoͻ twee nsuo firii asutene no mu de guguu wͻn nnͻbaeԑ so ma no nyiniiԑ. Ͻhunuu sԑ akuafoͻ a wͻbͻ wͻn ho mmͻden no ho kyere wͻn wͻ wͻn abusuafoͻ hwԑ mu no, ͻtwee nnuane maa wͻdiiԑ. Ankyԑ nnipa pii tee brͻͻhye a wͻde ka dan ho no nka na wͻn ani sͻͻ deԑ Ma Liang ayԑ no. 

Mmom na osikani bi te akuraa no ase na ͻyԑ nipafo nti ͻyԑԑ n’adwene sԑ ͻbԑwia brͻͻhye a wͻde ka dan ho no afiri abranteԑ no hͻ sԑdeԑ ͻnam so bԑnya ne ho bi aka ho. Wei nti ͻsomaa n’asomfoͻ kͻͻ Ma Lang fie ma wͻkͻwiaa nyankomade brͻͻhye a wͻde ka dan ho no.

Ne nsa kaa brͻͻhye a wͻde ka dan ho no, n’ani gyeeԑ pa ara nti ͻfrԑԑ n’ayͻnkofoͻ baa ne fie sԑdeԑ ͻbԑtumi akyerԑ wͻn deԑ ne nsa aka. Ͻyeyԑԑ mfoni pii nanso emu biara antumi amma nkwa mu amma no. Ne bo fuu pa ara sԑ brͻͻhye a wͻde ka dan ho no anyԑ adwuma amma no nti ͻsoma kͻfaa Ma Lang baeԑ.

Ͻka kyerԑԑ abranteԑ no sԑ, ‘Sԑ woyԑ mfoni bi ma me na sԑ woma no ba nkwa mu a mԑgyaa wo.’

Na Ma Lang mpԑ sԑ ͻbԑboa nipabͻnefoͻ bi saa, ԑno nti ͻfaa adwene.

Ͻka kyerԑԑ nipabͻnefoͻ no sԑ, ‘Deԑn na wopԑ sԑ metwe?’

Osikani no kaa sԑ, ‘Mepԑ sika kͻkͻͻ bepͻ. Mԑkͻ so akͻsesa sika kͻkͻͻ.’

Mmom abranteԑ no dii kan twee po. 

Osikani no bo fuiԑ na ͻkaa sԑ, ‘Adԑn na wotwee po? Mepԑ sika kͻkͻͻ bepͻ. Twe no ntԑm!’ 

Ԑno nti abranteԑ no twee sika kͻkͻͻ bepͻ no, a na ԑne po no mmԑn koraa. 

Osikani no kaa sԑ, ‘Twe suhyԑn ntԑm so. Mepԑ sԑ melͻ hͻ kͻtase sika kͻkͻͻ.’ 

Abranteԑ no seree kakra na ͻtwee suhyԑn kԑseԑ bi. Osikani no huri sii suhyԑn no mu tuu sԑ ͻrekͻhwehwԑ sika kͻkͻͻ no nanso suhyԑn no duruu po no mfimfini no, Aanse twee mfram gyampanturudu bi ma no bԑsԑee suhyԑn no, na obiara anhunu sikani no wͻ akuraase hͻ bio. 

Ԑno akyi no, abranteԑ no ne n’abusufoͻ tenaa ase anigyeԑ mu na ͻkͻͻ so de nyankomade brͻͻhye a wͻde ka dan ho no boaa ahiafoͻ sԑdeԑ akwakora no see no sԑ ͻnyԑ no na obiara hunuu brͻͻhye a wͻde ka dan ho pԑԑ n’asԑm. 

Enjoyed this story?
Find out more here