KidsOut World Stories

કાચબો અને સસલું KidsOut    
Previous page
Next page

કાચબો અને સસલું

A free resource from

Begin reading

This story is available in:

 

 

 

 

કાચબો અને સસલું

  

Tortoise and Hare Racing

 

 

 

 

 

 

 

*

એક વખત ખેતરમાં તમારાથી ખુબ દૂર નહીં, એક ઉત્સાહી અને સુખી સસલું અને ઊંઘણશી કાચબો હતા.

સુખી કાચબાનું નામ નોએલ હતું અને ઊંઘણશી કાચબાનું નામ આર્ચીબાલ્ડ હતું. આર્ચીબાલ્ડ કાચબાને બેસવાનું અને તેનું ભોજન ખુબ ધીમેથી કરવાનું ગમતુ હતું, જ્યારે નોએલ સસલું તેનું ભોજન ઝડપથી ખાઇ જતુ અને આર્ચીબાલ્ડની આજુબાજુ તે મૂર્છીત ન થાય ત્યાં સુધી ગોળ ગોળ ફર્યા કરતું.
એક દિવસ, તેમની વચ્ચે દલીલ થઇ ...

‘હું આખી દુનિયામાં સૌથી ઝડપી પ્રાણી છું,’ નોએલે કહ્યું. ‘હું ઝડપી ચિતા, કૂદતા કાંગારૂથી પણ ઝડપી છું,’ તેણે બડાઇ હાંકી.

‘ઓહ શાંત થા,’ આર્ચીબાલ્ડ શરમાયો. ‘તું ખુબ મૂર્ખ છે! તું ધ્યાન નહીં રાખે તો તારો અંત ખુબ ખરાબ થશે ...’

‘ક્યા છે ખુબ ખરાબ અંત,’ નોએલે પૂછ્યું. ‘તે અહીંથી દૂર છે?’

આર્ચીબાલ્ડે તેની આંખો ફેરવી અને સ્વાદિષ્ટ મૂળાના પાન ખાવાનું ચાલુ રાખ્યું.

‘તમે બંને લડવાનું બંધ કરો,’ બ્લેકબર્ડે કહ્યું કારણ કે તે ઝડપથી ઉડ્યો હતો.

‘ના, આ ખુબ ગંભીર બાબત છે,’ નોએલ સસલાએ કહ્યું. ‘હું તમારી બધાની સામે સાબિત કરીશ કે આખી દુનિયામાં હું સૌથી ઝડપી પ્રાણી છું!’

‘ઓકે,’ આર્ચીબાલ્ડ કાચબાએ કહ્યું. ‘તો હું તારી સાથે રેસ કરીશ!’

નોએલ સસલું તેનું માથું ઉંચે કરી હસવા લાગ્યું.

‘પ્રતીક્ષા કર અને જો,’ આર્ચીબાલ્ડે કહ્યું. ‘આપણા માટે રેસનું આયોજન કરવા માટે હું વોલેસ ચતુર વૃદ્ધ ઘુવડને મળીશ ...’

વોલેસ વૃદ્ધ ઘુવડે પછીના દિવસે રેસનું આયોજન કર્યું. મેદાનમાં તમામ પ્રાણીઓ સુંદર કપડાં પહેર્યાં હતા, તેમના ફરને વ્યવસ્થિત કર્યાં હતા, ફરકાવવા માટે ઝંડા લીધાં અને કાચબા અને સસલાંની રેસની ઉજવણી કરવા માટે તૈયાર થઇ ગયાં.

‘તમારા ચિહ્નો પર ... તૈયાર થાવ ... આગળ વધો!’ વોલેસે કહ્યું ... અને રેસ ચાલુ થઇ!

ધીમે ધીમે આર્ચીબાલ્ડ કાચબો આગળ વધ્યો અને ખુબ ઝડપથી નોએલ સસલું આગળ ભાગ્યું અને થોડીવારમાં તે નજરથી દૂર થઇ ગયું. જોકે, તે ખૂબ આગળ વધી ગયું હતુ, તેણે પાછળ જોયું ત્યારે, આર્ચીબાલ્ડ કાચબો ક્યાંય જોવા મળતો નહોતો.

‘ઓહ,’ નોએલે વિચાર્યું. ‘હું વહેલો કે મોડો રેસમાં જીત મેળવીશ! હું માનું છું કે આ ઝાડ હેઠળ મારે ટૂંકી ઊંઘ લેવી જોઇએ, ખુબ ગરમ દિવસ છે.’ નોએલ સસલું ખૂબ ઘસઘસાટ ઊંઘી ગયું.

તે દરમિયાન, આર્ચીબાલ્ડ કાચબો તેની ઢાલ પર સૂર્યની મજા લેતો અને સમયે સમયે ઘાસને કરડીને ધીમે ધીમે આગળ વધતો હતો. આગળ અને આગળ અને આગળ અને આગળ તે વધતો હતો. તે જૂનાં ઓક વૃક્ષથી ધીમે ધીમે આગળ વધ્યો, તે પુલ પરથી ધીમે ધીમે આગળ વધ્યો, તે ગાયની ગમાણથી ધીમે ધીમે આગળ વધ્યો, તે નોએલ સસલું વૃક્ષ હેઠળ હજુ ઘસઘસાટ ઊંઘતુ હતું ત્યાંથી પણ ધીમે ધીમે આગળ વધ્યો. વોલેસ ચાલાક વૃદ્ધ ઘુવડ જ્યાં હતું અને અન્ય તમામ પ્રાણી મેદાનમાં એકઠાં થયાં હતા તે સમાપ્તિ લાઇન પાસે તે પહોંચ્યો નહીં ત્યાં સુધી ધીમે ધીમે આગળ વધ્યો.

તમામ પ્રાણીઓ આર્ચીબાલ્ડની આજુબાજુ એકત્ર થઇ ગયાં અને ચીચીયારી પાડવા લાગ્યાઃ

‘ખુબ સારું કર્યું! શાબાશ! તમે વિજેતા થયા છો!’

આ તમામ ઘોંઘાટે નોએલ સસલાને ઝડપથી જગાડ્યો.

‘ઓહ માય! ઓહ માય! શું થઇ રહ્યું છે? આ ઘોંઘાટ શેનો છે? કાંઇ વાંધો નહીં. મેં સારી રીતે રેસ સમાપ્ત કરી છે પછી હું મારું ભોજન લઇશ,’ તેણે વિચાર્યું.

નોએલ સસલું ડુંગર નીચે સમાપ્તિ લાઇન પર જવા માટે આગળ વધ્યું. પરંતુ તે જ્યારે ત્યાં પહોંચ્યો, તેના માન્યામાં ના આવ્યું, તેણે આર્ચીબાલ્ડ કાચબાને તેના ગળામાં વિજેતાના સોનાના મેડલ સાથે જોયો.

‘આ સાચુ ન હોઇ શકે! તેણે કોઇ છેતરપીંડી કરી હશે,’ નોએલ સસલું રડવા લાગ્યું. ‘દરેક જાણે છે કે હું તેના કરતાં ઝડપી છું!’

વોલેસ ચાલાક વૃદ્ધ ઘુવડે કહ્યું, ‘આર્ચીબાલ્ડ કાચબાએ કોઇ છેતરપીંડી કરી નથી.’ ‘તેણે પ્રમાણીકતાથી રેસ જીતી છે. ધીમે ધીમે અને ખાતરીપૂર્વક, ક્યારેય છોડ્યા વિના, આર્ચીબાલ્ડે પ્રથમ સમાપ્તિ લાઇન પાર કરી છે. માફ કરજે વૃદ્ધ નોએલ, પરંતુ આ રેસ તેં ગુમાવી છે. ચાલો તને બોધ આપીએ - ધીમે અને સતત રીતે રેસમાં જીત થાય છે!’

નોએલ સસલું ખુબ નારાજ અને ઉદાસ જોવા મળ્યું. આર્ચીબાલ્ડ કાચબાને તેના માટે ખેદ થયો અને તેને રાજી કરવાનો પ્રયાસ કર્યો:

‘દુઃખી ન થા નોએલ, આ માત્ર રેસ હતી.’ ‘મને ખાતરી છે કે બીજી વખત તું ચોક્કસ જીત મેળવશે. અને સૂર્ય હેઠળ દરેક રેસ જીતવા કરતાં આપણે હજુ પણ સારાં મિત્રો છીએ.’

અને તે દિવસથી તેઓ શ્રેષ્ઠ મિત્રો બની ગયા અને નોએલ સસલું ફરી ક્યારેય બડાઇ કરતુ નથી.

Enjoyed this story?
Find out more here